2013年12月26日 星期四

美心驚喜

美心驚喜

荃灣綠楊開左間MX2,食嘅野同普通美心唔同,裝修靚好多,價錢都靚D嘅

和風板上燒 黑椒牛肉·雞肉飯($52連麵豉湯或汽水)
麵豉湯好咸
 好有pepper lunch嘅感覺,不過執餐果位仁兄快手好多,同埋佢D鐵板疊埋一齊,唔似要燒過,不過都係熱嘅,燒到D肥牛好脆,同有飯焦(原來珍珠米下面有牛油)
http://youtu.be/wrN2K46pdW8

海南雞飯+冬瓜湯+柚子汁椰菜沙律(金桔話梅冰系新開張優惠券送嘅,無話梅味,只有金桔濃縮果汁味)($45)
飯差過泰國餐廳,有色,無咩味
但雞好滑
湯就無飲到!





2013年12月17日 星期二

泰昌cafe

(2013-12-18)知道呢間野開左大約一個星期,因為前幾日去過買麵包,跟住個職員話裡面除左麵包、蛋撻(要記住TC=泰昌)之外,有野食,佢仲話原本荃新天地嘅泰昌搬走,變成呢間
裝修幾好,不過呢個Eurogogo式買野方法(先買飛 再有人送餐俾你)
通常少款嘅餐廳都好食

餐牌
值得一提嘅系,佢張餐牌寫午餐系“上午11時至下午2時供應”,不過我地接近2點去,佢話至2:30PM,而下午茶唔係3點開始,系2:30PM。
奶茶,其實無咩特別,只係覺得呢個環境要飲奶茶

原本可以+$15要牛油蘑菇湯,不過酥皮湯試得多,想試下曲奇皮湯
似蛋撻個皮,不過放系湯度就好甜
之後好飽,應該放左好多粉
美式焗薯
有酸忌廉,又有煙肉,即係好正宗
其實呢度每送一份食物,都有叉同匙羹
意式牛肉千層麵
原來散叫要$80(餐只需要45,送飲品),不過呢個有酒店嘅樣
第一次系PizzaHut以外嘅地方食千層麵,呢個個皮系脆嘅,同埋茄汁新鮮好多!



2013年12月8日 星期日

龍門客棧 借粟一燒

龍門客棧 借粟一燒
同朋友系屯門新墟食嘅(我地原本打算食薩利亞,不過果度好多人,阿姐叫我地入去試下),間野個名咁霸氣,但原來佢系一間茶餐廳(除左格局系茶餐廳之外,又真係有普通茶餐廳嘅食物)
呢兩個麵都係每人$36(無飲品,豆漿+$4)送小籠包X2/蒸餃子X2/拍青瓜一碟
圖中嘅系擔擔牛肉(牛腱)麵同擔擔豬扒麵,無影嘅系擔擔雲吞麵
擔擔醬系凍嘅,雖然撈完之後熱左,但無咩花生味,反而好多好重薑味嘅肉碎(即係小籠包D餡)
我地交換送食
牛腱似系冷盤D味,唔太夾
豬扒普普通通
雲吞系白菜,不過太大只,我以為系水餃
麵都唔差,一般水準
小籠包無咩汁,好有百佳急凍小籠包嘅感覺,當然送就唔好咁多要求啦!
餃子我無食,我就唔知啦!
青瓜好香

2013年11月18日 星期一

吉列豬早晨全餐


吉列豬早晨全餐
今朝食M記吉列豬早晨全餐,個阿姐俾左普通嘅早晨全餐,之後俾岩左,又無俾醬(之後發現系日本芝麻沙律醬,同吉列豬好夾)。
舊吉列豬初初食,就真係好似笨吧咁講,有D似麥香雞,但之後切開,其實系有紋路,點薄都好,都係完整一塊豬肉

2013年11月14日 星期四

大家樂叉燒

神奇叉燒
因為期間限定,所以想試下大X樂嘅胡椒叉燒,不過原來唔可以單買,其他燒味又賣曬。結果就買左普通叉燒。結果發現佢同胡椒應該會好夾。都係用脢頭,都係要落生抽、麥芽糖、酒,個樣都差不多,雖然味道有差別(同埋邊間功夫好),不過都相差無幾。咁點解呢間大X樂特別適合?呢間野D叉燒食第一塊係非常甜,之後越食越似豬肉乾(不過系一般熟肉質感)(有黑椒豬肉乾,當然豬肉乾味嘅叉燒會適合放胡椒),更加有一次食到臘腸味!真係一舊叉燒,三種享受!

2013年10月26日 星期六

和洋料理

屯門多水炸醬麵

屯門多水炸醬麵
O係富泰邨某間食上海菜嘅茶餐廳食下午茶,叫左呢個炸醬麵($30,連熱飲),出左來竟然咁多水!味道唔係差嘅!都好有麻油味,系唔知點解會變成湯麵咯!

2013年10月22日 星期二

足料凍檬

就係金魚街!就係叫左三絲撈檬(下午茶$32,但同$38一樣咁大碗,送青檸冰/香茅冰/港式熱飲,凍飲+$2)同海南雞飯($36,送青檸冰/香茅冰/港式熱飲,凍飲+$2)
雞肉今次少左,但仍然系海南雞飯嘅有皮雞
海南雞飯嘅雞,今次咁岩都係雞髀,真係好夠滑,而油飯竟然唔係得雞油,反而有香茅同椰香味,太好啦!不過因為個樣無特別,唔影啦!

2013年10月20日 星期日

小雨天

葵芳過橋水餃+麵食
過橋水餃,餃子本身唔係太特別,都係D大路味道,白菜同韭菜,不過特別之處系"過橋",即係唔放湯,點鎮江醋,呢樣就唔係好多舖頭有啦!
旁邊嘅系蘋果紅茶,只有茶味,下面嘅蘋果糖漿無用!
之後系豬軟骨小鍋麵
個樣似米線,所以以為佢俾錯,食落系上海麵,骨湯好濃,仲有胡椒味!唔錯!豬軟骨雖然調味唔多,不過其實好食過唔少日本餐廳嘅豬軟骨好多,因為佢可以系肉唔太林嘅情況下,令軟骨咬到!
蒜泥滑雞,平時食開蒜泥白肉,所以想試下滑雞,但原來佢系一舊舊,唔係一片片,醬汁偏辣!食到成身汗!
到最後一張,發現原來呢間野好鍾意落芫茜(香菜)

埋單$11X,唔記得

2013年9月14日 星期六

麥月餅

麥當勞月餅 只限外地 香港無得賣!

麥當勞月餅 以下真是有圖有真相,未睇相之前你或者以為 麥當勞月餅 只是搞笑,但並非天方夜譚而是真有其事,不過推出地點並非香港而已,究竟在哪裡推出呢? 現在仍然眾說紛紜,不過從相中文字可見,似乎是在泰國推出!




臨近中秋,大家都興奮地發月餅相,像玩show hand一樣以浮誇、包裝浪費、實而不華等等來「大」對方。

呢刻到我話事,我張牌就係傳說中概麥當勞月餅,有綠茶、榴槤、蓮蓉、五仁四款口味,四個零售價泰銖199元,即係只係港幣50,實惠實際,可惜不在香港發售。

麥當勞月餅,簡稱麥月餅,重可以promote唔止中秋先食,婚宴送禮都得,重唔大殺四方。

引自︰http://www.facebook.com/kengopage/posts/569949863066743