2013年8月30日 星期五

金魚街海南雞飯+撈檬(無圖)

無意中食到金魚街一間唔起眼,茶餐廳格局嘅泰國菜(好似系大門橫町斜對面),裡面嘅海南雞飯同撈檬好過好多連鎖店。
叫左三絲撈檬($38,送青檸冰/香茅冰/港式熱飲,凍飲+$2)同海南雞飯($36,送青檸冰/香茅冰/港式熱飲,凍飲+$2)
青檸冰果然系果枝濃縮青檸汁,無加梳打水,的確幾難飲

香茅冰就係好重香茅味嘅糖水,系甜左少少

三絲撈檬(賣相唔差,可惜太肚餓無影到,或者下次/大家去食影張圖上來啦!)
有雞絲、煎蛋絲、扎肉絲,雞絲最多,不過用嘅竟然唔係雞扒/鞋口雞胸肉嘅絲,竟然系海南雞飯嘅雞肉,仲要鋪滿個碗!認真落本!裡面有好多花生、炸乾蔥同好多生菜絲,不過無蔥油!魚露都有驚喜,比平時嘅酸同辣,仲有生蒜,真過癮!

海南雞飯嘅雞,咁岩系雞髀,真係好夠滑,而油飯竟然唔係得雞油,反而有香茅同椰香味,太好啦!

2013年8月29日 星期四

【Openrice】炎夏開胃恩物 冷麵大召集


炎夏開胃恩物 冷麵大召集

相關餐廳:巧興麵食店 ( 粵菜 (廣東) ) 及其他18間餐廳
7
AUG 13
分類:飲食熱話
 13526  0
天時暑熱,無胃口?要拯救食慾,不如食麵!美國網站The Ramen Rater先前公佈2013年的全球十大好食杯麵有否令你心動?又或者可有令你想起日本合味道去年推出的冰杯麵?除左方便喺屋企食既即食麵,亦可以試試以下多款冰涼透心冷麵,總有一款能幫你踢走鬱悶暑氣!

日本木盒風味


■冷蕎麥麵(Photo by derekyummy)


■冷烏冬(Photo by 粉紅美夢
來自日本的連鎖餐廳 大戶屋,供應冷蕎麥麵及冷烏冬。蕎麥麵有淡淡麥香,跟烏冬同樣冰凍彈牙,連載著鰹魚汁的容器也雪凍過,伴有京蔥絲、芥末、蘿蔔蓉及薑蓉,簡單味美,惟可惜店舖現已不再像開店早期時以風味更佳的木盒上冷麵。
素素豬:冷烏冬不再是長長的平鋪盒子,可能實在太阻礙進餐,但現在的賣相也不錯啊,而且相信對烏冬本身的影響也不大。烏冬質地彈牙硬身,雖然談不上甚麼味道,但精髓反而落了在冷烏冬汁之中,加了薑蓉蔥等拌在一起吃,烏冬拌著冰凍的汁吃,很快就一條接一條滑滑的吃下去。

新派和風


■番茄湯凍冷麵
(Photo by 西門町大惡男)


■三色冷麵拼盤
(Photo by 間中掛單 --- 子陵)
rasupermen 這個夏天推出的三色冷麵拼盤,有竹炭、紅薑和抹茶三款麵,份量小巧精緻,三種顏色叫人胃口大開。不過要講創新,還是要講刨冰冷麵。這款新冷麵中的碎冰不單作冰鎮之用,也是湯底一部分。像番茄湯凍冷麵內有以番茄湯造的冰,泛淡淡橙紅色,視覺味覺都格外清新,食的時候也不用擔心因吃得慢而讓味道會變淡。另有一款牛精華沙律冷麵,以牛骨濃湯製成湯凍伴麵。
西門町大惡男:先來以透明碗盛載的番茄刨冰冷麵,在香港也是首次見到,比起所謂的「冰鎮」冷麵,用番茄清湯雪成刨冰配起自製拉麵,不僅賣相吸引,入口極富冷感,而拉麵亦不怕索了過多水份而變腍,夠味亦保留彈性麵質,是聰明配搭。幾款涼麵也做到夠涼的效果,經理說吃法左至右,黑色的是竹炭味,綠色的是淡淡抹茶味,而味道最明顯是紅薑粉,吃時再配些伴碟的紫菜和日本蔥,再蘸麵汁吃,比大熱天吃濃濃味精醬的「沾麵」輕怡健康得多。

低卡健康冷麵

■黑松露白菌撈纖益麵(Photo by Kan Lee)
新開的小確幸麵館,原本是賣健康食品纖益麵(即蒟蒻麵)的供應商,見反應不錯便索性開起麵店來。店舖主打供應纖益麵和纖益烏冬的麵食,如吞拿魚豆腐冷麵及番茄Pesto 冷麵等,低卡路里且高纖維,相信會俘虜一眾「享瘦」夏日的女士。由蒟蒻和燕麥製成的麵食口感特別,有會員說與芋絲非常接近。不過餐牌上有不少矜貴食材如龍蝦和澳洲和牛作麵食佐料,價格相對偏高。
Kan Lee:這款是當天廚師推介的黑松露白菌撈麵。爽脆的菇菌上鋪有幽香的黑松露醬,正是主調所在;而紅蘿蔔則化身成粗粗的條子狀,仿如意大利的寬條麵,面層更淋上香氣兼惹味的麻醬;而青瓜絲既可增強整體的口感,又可帶來清怡的感覺。各款醬汁調配出香而不濃的風格,食味互不相沖、能獨立地展示個別的風格之餘,也讓食材發輝本身的香與味,是城市人較少嚐到健康與清怡的烹調方式。

朝鮮水冷麵

阿利水韓國料理水冷麵(Photo by lorraineyan)
多間韓國餐廳皆有供應韓國平壤式水冷麵,一般韓國人吃畢燒肉會點此麵來消油膩,清味蕾。水冷麵是把蕎麥麵浸在凍湯中,配料有水煮蛋、雪梨或蘋果片、青瓜片等,整整齊齊鋪在中央。正宗吃法是加上黃介末及白醋,醒胃可口。銅鑼灣新開的School Food水冷麵的冰湯以牛骨餚製,獲會員好評。
ksmeow:(School Food) 彈牙具嚼勁的水冷麵($70)麵條非常幼身,當中的碎冰塊以牛骨餚製而成,吃麵條時喝些冰湯,味道清甜又涼透心,炎夏良伴!

中式雞絲涼麵


■雞絲涼麵(Photo by MaliMali)


■手撕雞冷刀削麵(Photo by Tracy可寶
輪到中式代表出場,將麵條配爽脆青瓜絲、紅蘿蔔絲及鹹香雞絲,就成平價中式傳統冷麵 —— 雞絲涼麵。不少會員大讚巧興麵食店的雞絲涼麵份量大,麻醬夠慷慨,還有灑上香口芝麻。客人也可自行再加其鎮店之寶臘八醋,讓味道更添層次。追求點新意思的話,不如把麵條換上刀削麵,正宗山西刀削麵皇首創冷刀削麵,麵條肥嘟嘟,具咬口,別有一番滋味。
TaiwanWalker :雞絲涼麵, 很大一碟, 是以白麵條加上芝麻醬, 跟雞絲, 紅蘿蔔跟青瓜
好吃是因為他們的醬汁超香, 還有點白醋的香味料也很多, 拌在一起就很好吃, 夏天吃這個很適合呢
常吃到的麻醬都是會讓人覺得很膩, 但這裡的不會, 可能是因為加了醋, 還有就是醬汁沒有做得很稠, 好好吃
艾利奧 :口水手撕鷄刀削冷麵 – 嘩~真係好大碗~份量真係夠晒數~上面有凍青瓜絲加脆花生同埋手撕鷄,佢D麵唔算係太冷~食落好煙靭好有質感~而且條條片得粗幼均等~真係好功夫~!!

排場十足素冷麵

■(Photo by 愛吃的胖妞)
吃冷麵也可以陣容鼎盛,功德林上海素食的上海素冷麵就伴著六種醬料和三款拌菜,包括麻醬、黑醋、辣油、生抽、南乳醬、甜醬及碎花生,再配銀芽、青椒絲及雲南大頭菜絲。你可以按自己喜好,混醬撈成自己喜愛的冷麵,而上海蛋麵又充滿彈性,是夏日清爽素食之選。
刺身達人:上海冷麵: 全晚最最最最吸引, 味道最好的一味!!!一碟冷麵有七種醬料~甜酸咸辣味都齊晒~麻醬, 醋同豉油係店員點名一定要撈!!~撈完真係好香~~

雙重刺激 又辣又凍麵


■滿江紅小甜甜(Photo by ringow
想吃透心涼的冷麵,也不一定要清淡的。不妨一試以麻辣見稱四川菜的冷麵!相信不少嗜辣一族已經知道接下來要介紹的菜式了。嚴格來說,川北涼粉不算是麵而是前菜。其以碗豆造的白雪雪粉條,可製成不同形態,可以是一片片或一條條粗麵般。配上酸甜辣鮮的調味汁吃起來,清爽滑嫩之餘味道豐富,不失為一道消暑佳品。不過未知是否受辣味影響,川北涼粉吃起來不會像其他冷麵般超冰凍。會員推介餐廳有滿江紅小甜甜麻辣媽媽 。
TongTongFung:(滿江紅小甜甜)酸辣粉條這才是正宗的~ 粉條煙煙韌韌 加上青瓜絲和花生碎 涼拌的汁酸酸辣辣 好味道
twcswing :(麻辣媽媽)川北涼粉~ 賣相好靚 , 原來都幾辣幾麻 , 仲以為冷盆小食會溫和 d ,d 涼粉又白又滑 , 好淋身無乜嚼勁 , 味道幾香幾好食 ,但係唔係幾夠凍 , 浸耐左開始好入味好辣 =p
文:AY

2013年8月28日 星期三

貴得值 不過有少少改進(屯門盛八食堂)

貴得值 不過有少少改進

侍應話用餐時間一小時


仲有漫畫

咁岩果日去天水圍,唔想系區內食野嘅通常去元朗大馬路,不過唔想去大馬路,就系OPENRICE揾到呢間,去完先發現呢間野系銅鑼灣燒肉專門店嘅分店,雖然幾貴,不過呢間賣新派蛋包飯的確幾吸引!

第一樣到嘅系飲品:巨峰提子乳酸/蜜瓜乳酸/芒果乳酸/牛乳凍朱古力($30@)
蛋形的鹽和胡椒粉罌
 吉列三盛(炸雞+洋蔥圈+連皮薯角,有茄汁+蜜糖芥末)
洋蔥圈的確幾爽口,不過其他普普通通
地雞蛋包飯
傳統嘅蛋包飯只有茄汁,不過呢個系芝士汁+蘑菇汁,蘿蔔蓉可以減少雞肉油膩感,不過香草飯幾特別
 唔記得正確名,不過呢個系咖哩雞肉煎餃子,點嘅醬汁系辣油
旁邊嘅配菜嘅沙律醬有Wasabi,感覺清新

煙燻豚水煮蛋多士 - 好似溫泉蛋

豚肉系煙熏火腿,多士選用英式鬆餅(即係M記豬柳蛋包個包啊!),切開/咬落去好多蛋汁流出,呢個系幾好嘅!不過搞到個包林曬!如果英式鬆餅 火局 儂D就好啦!因為當蛋汁流落英式鬆餅,就會無咁水,同埋吸到多D汁

 [鎮店之寶] 吉列松葉蟹餅滑蛋包飯
都係芝士汁,有蟹子裝飾。松葉蟹餅其實系蟹肉薯餅,不過比出面好嘅地方系有絲絲蟹肉
埋單$409,4個人



2013年8月2日 星期五

台中無老鍋

台中無老鍋


間野其實就係鼎王麻辣鍋公益店行幾步就到!環境幾好啊!


入面全部侍應都係靚仔靚女,不過多數系靚女!佢地差不多次次都顧客個位都要鞠躬,真慘!
 

入面都有乾冰煙
我地因為唔知食唔食到叫左鴛鴦鍋(所以我地唔去出名嘅鼎王,而去左同系嘅呢間)(有冰淇淋豆腐果款,冰淇淋豆腐唔係我地食開嘅冰豆腐,反而有D似魚腐),麻辣果邊系少辣!
湯底個底其實系一樣嘅,同埋都有紅棗,個分別就係養生白湯就係有韓國人參雞湯嘅水參,都有少少甜味,麻辣果邊就係有少量花椒同辣椒,唔同四川嘅,呢個好接受好多!四川嘅真係唔敢食!湯底入面嘅冰豆腐同鴨血其實系任食嘅,想食嘅就同侍應講(不過你唔講其實佢地都會問你)
 雙卷(豆卷:類似腐竹,菇卷,唔記得正名啦!即係有菇嘅魚蛋)
枸紀鮑魚粒,好爽
 干貝(元貝)滑,估唔到呢樣都可以做滑!佢地攪完滑之後佬返舊‘枕’落去,令到又滑又又爽(舊枕會有魷魚嘅效果)

魚皮餃,一定要落麻辣果邊,唔係好腥

生菜、蒟蒻拼盤、肥牛、五花腩同毛肚(柏葉)
攞白飯同醬料(有豉油、辣椒、蒜蓉水)嘅地方


叫左一扎橙汁(無味)同一罐可樂

 呢個系水蜜桃沙冰(超甜),佢主要嘅作用除左用來解味精之外,就係趕你走,因為呢度只可以食1.5HRS,你埋單之後可以食多次!

 埋單NT1380